|| Sivastuti ||
||śivāṣṭakam||
|| Om tat sat ||
Sloka Text in Telugu , Kannada, Gujarati, Devanagari, English
||śivāṣṭakam||
prabhuṁ prāṇanāthaṁ vibhuṁ viśvanāthaṁ
jagannātha nāthaṁ sadānanda bhājāṁ |
bhavadbhavya bhūtēśvaraṁ bhūtanāthaṁ,
śivaṁ śaṅkaraṁ śambhu mīśānamīḍē || 1 ||
gaḷē ruṇḍamālaṁ tanau sarpajālaṁ
mahākāla kālaṁ gaṇēśādi pālaṁ |
jaṭājūṭa gaṅgōttaraṅgaiḥ viśālaṁ,
śivaṁ śaṅkaraṁ śambhu mīśānamīḍē || 2||
mudāmākaraṁ maṇḍanaṁ maṇḍayantaṁ
mahā maṇḍalaṁ bhasma bhūṣādharaṁ tam |
anādiṁ hyapāraṁ mahā mōhamāraṁ,
śivaṁ śaṅkaraṁ śambhu mīśānamīḍē || 3 ||
vaṭādhō nivāsaṁ mahāṭṭāṭṭahāsaṁ
mahāpāpa nāśaṁ sadā suprakāśam |
girīśaṁ gaṇēśaṁ surēśaṁ mahēśaṁ,
śivaṁ śaṅkaraṁ śambhu mīśānamīḍē || 4 ||
girīndrātmajā saṅgr̥hītārdhadēhaṁ
girau saṁsthitaṁ sarvadāpanna gēham |
parabrahma brahmādibhir-vandyamānaṁ,
śivaṁ śaṅkaraṁ śambhu mīśānamīḍē || 5 ||
kapālaṁ triśūlaṁ karābhyāṁ dadhānaṁ
padāmbhōja namrāya kāmaṁ dadānam |
balīvardhamānaṁ surāṇāṁ pradhānaṁ,
śivaṁ śaṅkaraṁ śambhu mīśānamīḍē || 6 ||
śaraccandra gātraṁ gaṇānandapātraṁ
trinētraṁ pavitraṁ dhanēśasya mitram |
aparṇā kaḷatraṁ sadā saccaritraṁ,
śivaṁ śaṅkaraṁ śambhu mīśānamīḍē || 7 ||
haraṁ sarpahāraṁ citā bhūvihāraṁ
bhavaṁ vēdasāraṁ sadā nirvikāraṁ|
śmaśānē vasantaṁ manōjaṁ dahantaṁ,
śivaṁ śaṅkaraṁ śambhu mīśānamīḍē || 8 ||
svayaṁ yaḥ prabhātē naraśśūla pāṇē
paṭhēt stōtraratnaṁ tvihaprāpyaratnaṁ |
suputraṁ sudhānyaṁ sumitraṁ kaḷatraṁ
vicitraissamārādhya mōkṣaṁ prayāti ||
||iti śivāṣṭakam samāptam||
|| Om tat sat ||